2018 — Pescante, Rudy L., Ang Gidangatan sa Guwapo Anib 3 (24 January), Bisaya, Manila Bulletin Publishing Corporation
"Sa inilog! Sa inilog!" Nadungog ni Tisoy ang sing-al sa masyador gikan sa sulod sa buwangan. Dako ang buwangan ug makita gikan sa gawas ang mga lingkoranan. Puno sa mga sugarol og gahob kaayo gikan sa sulod. Nanagtindog ang uban ug daghan sab ang naglinkod sa lingkoranan nga giliyok palibot sa dakong kamalig nga hinimo sa kawayan ug inaptag nipa.
