Kadako nag kausaban. Wala na ang lunhawng mga balili nga gipasad sa kinaiyahan sa dakong patyo sa simbahan nga kaniadto duwaanan sa mga bata. Karon sementado na ug gikural pa gyud og mga puthaw. Sa taliwala gibutangan og duha ka net sa tennis, mao nga ginganlan og tenisan. Maoy mipasulabi sulod sa patyo ang duha ka tenisan sa mga hamtong nga maglisod na gani paggukod sa bola. Paugnat sa kusog? Tingali. Apan nahikawan ang mga bata sa pagduwa-duwa sa dakong patyo.
