2018 — Diola, Carmelo O., Dili Ingon Nato (24 February), SuperBalita
Ang “dili ingon nato” dili mahitungod sa mga langyaw nga kanunay natong makita sa mga “malls” nga bulagaw ang mga buhok o, dili kaha, may pig-ot nga mata ug puti ang panit. Naa kitay pagtuo diha sa atong kultura sa mga nilalang nga dili tawo nga ania usab sa kalibutan. Mao man gani nga kon molabay ta og bato diha sa gabii ngadto sa kangitngitan, moingon usa kita og “tabi palihug” kay basin makaigo kita sa dili ingon nato.
