2008 — Lastimosa, Leo, Lunsay nga Daygon (10 December), Arangkada, The Freeman
Karon wa nay luna ang lunsay nga panaygon. Kinahanglan na nga molukat og permiso. Kinahanglan na nga mananghid sa mga tagbalay. Kinahanglan na nga mohatag daan og lista unsay padulngan sa dinaygonan. Labaw sa tanan kinahanglan na nga sag-uluhon ug ayuhon pagkanta aron di batuon. O abugon.
Sa pag-entra sa unang semana sa Disyembre, nanaygon dayon si Titords sa ilang baryo sa Luyang. Apan nabiktima siya sa paregla sa mga estambay sa baryo, pinangulohan ni Budoy. Gidelensiya ang tanan niyang dinaygonan sa eskinang tindahan sa baryo.
Ang wa lang nila masayri nga sukwahi sa ubang daygon nga ang kita padung sa inom inom, ang dinaygonan ni Rufino para diay sa gatas sa iyang siyam ka bulan nga manghod, bugas ug sud-an para niya og sa iyang lola.
