2018 — Pescante, Rudy L., Ang Gidangatan sa Guwapo Anib 3 (24 January), Bisaya, Manila Bulletin Publishing Corporation
Sayo pagkaugma, alas sayis pas iyang relo, kay Sabado man ug way klase, nananghid siya sa iyang mga apohan nga mopauli sa Liong diin atua sila magpuyo si Mama Lisa niya nga maoy gipabantay sa yuta sa iyang apohan. Maoy tuyo sab niya nga suginlan ang iyang inahan bahin sa bahad kaniya sa mga ginikanan ni Milagros nga ipabuang siya. Nahibawo na ang iyang inahan sa miaging semana bahin sa nahitabo nilang Milagros kay gitental siya. Apan gikinahanglan nga mahibawo sab gyod kini bahin sa bahad. Wala man god niya hisuginli bahin niini kay ingog kulang siya sa pagtuo nga mahitabo kini. Matod pa god sa uban niyang klasmeyt nga panahon pa ning Mampor pagtuoha—sa kakaraanan.
