Ang mekanikal nga lapis, nga metal o plastik ang bayanan, dunay tingga nga bala nga dili na kinahanglang tahalan. […] Ang miksklada sa pino nga pagkagaling nga graphite, yutang kulonon, ug tubig ipasok sa gamay kaayong bangag sa metal nga tubo ug mogawas nga morag taas nga espagheti. Human sa pagpauga, pagputol, ug paghurno, kini ihumol sa init nga lana ug espirma. Ang kahoyng gamiton alang niini kasagaran sedro, kay humok kining tahalon, dayon kini gabson nga ginagmay nga katunga sa lapis ang gibag-on, ug unya sipilyahan ug gulotan.