Usa ka baligho sa kasaysayan nga ang mga Amerikano daghag tulubagon bahin sa human rights tungod sa ilang pagyatak sa tawhanong katungod, dili lang sa Pilipinas kondili sa Vietnam, sa Iraq, Afghanistan ug sa Tinipong Kanasoran mismo— sa ilang pag- massacre ug pag-ilog sa kayutaan sa mga Indian. Karon, ang mga kapunongan ug mga politiko sa Manila nga nanagpakaaron ingnon nga nanalipod sa tawhanong katungod nagtinguha nga taralon si Presidente Duterte sa International Court of Justice, aron patubagon sa mga kinabuhing nakalas sa gubat batok sa droga.