User:Aearthrise/Pennsylvania Dutch/Pennsylvanish Deitsch! De Breefa fum Pit Schwefflebrenner, un de Bevvy, si Fraw, fun Schliffletown

Breefa fun Schliffletown.

Schliffletown, May 25, 1868.

Misder Fodder Abraham Drucker-

Deer Sir:

Om letshta somshdog morya is my alty, de Bevvy, heam kumma fum morrickt, um we se ri ins house is un sich uf der gross shuckle shtool g'huckt hut, donn hab ich grawd g'sea das widder amohl ebbas im gong is. Wie g'sawt, de Bevvy war in der Shtadt, uf em morrickt, un se hut alles ousferkawft- butter, bohna, tswivvella, schnitz, lodwarrick un oyer. About finf pund deitscher kase hut se awer widder heam gebrocht- seller hut se net ferkawfa kenna weil er so a weanich loud-schmackich war, for so an geruch, somehow, du weasht, gleicha de shtadt leit net. Well, des ding war goot, donn sawgt de Bevvy, secht se:

"Now Pit, now will ich der amohl ebbas sawya, un awer du musht net bæs wærra, for ich hab drei færtle dahler ousgevva for ebbas das dich ferleicht net yusht exactly suit. Gell, Pit, du wærsht now net bæs wan ich ders sawg," secht se.

"Yusht sawgs," hab ich g'sawt, "yusht rouse mit- was is es?"

"Ei," secht de Bevvy, "ich hab amohl subscribed for an Zeitung- de Fodder Abraham's Zeitung."

"Was! An Fodder Abraham's Zeitung! Wen meansht du donn? Doch net der alt Abraham Weckbecker wo so orrig sauft?"

Wie ich sell g'sawt hab donnt hetsht awer amohl my Bevvy hæra sella lacha! Immer un eawich, was hut awer my Bevvy gelacht! Un donn hab ich aw grawd my mind ufgemacht das doh ebbas hinnich dem Fodder Abraham shteckt. Donn hut de Bevvy g'sawt, secht se, "Ei nay, Pit, was denksht du donn- denksht ich dæt subscriba un drei færtle dahler betzahla on so an alter siffer we seller Abraham Weckbecker? No sir-ree," secht se, "awer ich hab subscribed for de roushich Zeitung wu Fodder Abraham hæst."

Wie de Bevvy sell g'sawt hut, donn bin ich awer doch so halwer falsh warra, for ich bin an true blue demokrat, un down uf Zeitunga un bicher un shoola un all so shtuft wu nix wært is. Weil es awer yusht drei færtle dahler kosht, for so fiel is de Zeitung wært for lodwærrick heffa zu binna un frock patterns macha fors bubbaly, hab ich gadenkt, mag es donn so si, provided es is an demokratishe Zeitung.

Un now will ich der amohl sauga wie es doh in Schliffletown har geht. Du weasht, mer sin yusht about gooty demokrata doh, un awer mer hen so orrig fiel truvel mit denna maddadishta, de was mer de shtraweller heasa. Doh forram yohr hen se an meeting house gebaut in unserm shteddle, un sidder sellam duhna se ally gebut amohl ehns fun unser beshty demokrata niver uf eara seit coaxa, un donn, uf course, ob sin se! Doh war for instance, der Mose Henkerbach- dær war als eans fun unser beshty demokrata. Wann als an frolic in der nochbershaft war, odder an horse race, odder an baddolya, donn war mein Mose alsfort derbei, un mer hut ehn ne net tswea mohl froga braucha for an game poker shpeela, odder sivva uf for de drinks. Un gooter whiskey hut er aw immer im house g'hat, un olly mohl gedreat hut er wann mer onna is gonga, un doh kannsht denka war ken besserer demokrat tsu finna wie der Mose. Awer now, sidder das er de shtraweller gejoined hut, was is er? Ons drinka kann mer ehn gor nimmy kreya, un karta shpiela un bensa pitcha dut er aw nimmy, un uf course, du kannst denka, si gooty alty demokratishe brinciples hen ehn entirely ferlussa!

Now Misder Drucker, mer hen im sinn so an dahler society uf kreya doh im shteddle, du weasht, so a wenich uf de art we sellam Huber si Heidelberg Brigade fun Barricks county doh for a paar yohr. Uf course, de society soll demokratish si, for ebbas missa mer du, for ich kann der sawya das de frei-shoola un feela Zeitunga, un bicher un shtraweller kærricha duhna unser party noch gontz entirely rumineera! Des hoch larning is alles nix wært. Doh war my nochber, der Sam Dinkop, er hut als immer druf insist das sein Jonny an hochy larning mus hawa in der Kademy, un obsolut huts so si missa. Sein Jonny hut er in de shool g'shickt, in selly Kademy, du weasht, un ich hab ehm meh das amohl g'sawt, das sell yusht an norra shop is for youngy norra macha, awer denksht ich het ehn convinça kenna? Un now was is seller Jonny? Gelarnt is er, sell is wohr, un awer on der letshta lekshun hut ers gontz entire black republican dicket gevote! Uf course, der Sam hut des ding orrig hort genumma; for an besserer demokrat is net tsu finna wie der Sam. Ich hab ehm awer sellamohls de meanung amohl g'sawt, un er hut mer donn aw fershprocha das er in seim leawa kens fon seina kinner meh in so an shool shicka dut.

Now Misder Drucker, wann du mer now den brief recht shea in di Zeitung ni drucka dusht, uf deitseh, so das unser eans es aw fershtead, donn schreib ich widder de neagsht woch, un shick en tsu eich mit meiner alty, de Bevvy, wan se widder in de Shtadt geat uf der morrickt, un no more at present.

Pit Schwefflebrenner.

Schliffletown, June 8, 1868.

Misder Fodder Abraham Drucker-

Deer Sir:

Yetz will ich doch awer aw an sei-kivvel foll grumbeera shawla fressa, wann net seller beef, wu der letsht woch for mich in eier roushiche gooty Fodder Abraham's Zeitung ni gedruckt hen, yusht about an ufruhr gemacht hut doh im shteddle. Un de Bevvy, my alty, de hetsht awer widder amohl heara sella lacha derweaya! Se war yusht about gekitzelt we se es g'seh hut, in schwartz un weis, das se an monn hut we ich, dær shmart genunk is for so an gootes shtickly uf deitsch in an englishe Zeitung ni tsu du. Un om very same owat we de Zeitung awkumma is, sin mea das an dutzend gooty demokrata on unser house kumma, for den brief zu leasa; un se wahra aw all gons immer un eawich goot gepleased das ich amohl in de frei-shoola un kæricha un so shtuft ni gepitch'd bin. Der Joe Bifflekop, du weasht, is als for common orrig close mit seina greenbacks, un awer er hut sivva mohl gedreat un allemohl mit gedrunka, bis er so ordlich how-come-you-so is warra, un donn hab ich un der Bill Schneckafoos ehn hehm genumma. We mer awer on si house sin kumma, donn hen mer doch so ordlich fits krickt fun seiner fraw, for se war yusht about bæs derweaya. Fun sellam will ich awer doch now nix weiders g'sawt hawa, for du weasht evva wie de weibsleit sin wann unser eans so a bissel sunnersht sevversht heam kummt.

Forgeshder owat hen mer amohl an meeting g'halta dort ons Kitzelderfer's wærtshouse, un hen ousgemacht das de demokratish dahler society organized wærra mus; un now hetta mer gærn das der uns an first rater gooty demokratisher shpeech macher shicket for uns an shpeech macha. Ich weas eaner, seller deata mer orrig gleicha, un awer ich kann now net yusht grawd uf si nawma kumma. Er woont in Readingtown, dort in seller shtrose wu selly roy bocka-shteaniche heiser sin dort, du weasht, unnich 'em eck net weit fun sellam platz wu op grossy fenshdera sin, about a hunnert yard fun der kærrich, un yusht ums eck rum wu als an grosser shtall war, sellamohls we de alt fraw als an kucha shtand hut g'halta for grundniss tsu ferkawfa for drei cent a blechly foll. Ich weas aw now nimmy we das er heast, un awer er is anyhow an lawyer- so an ordlich dicker ding, du weasht, un wann er an shpeech macht, kann er kreisha so loud das em alta Dopfoos si yohr, un se war yusht about goot. Uf course, ich habe se net fershtay kenna, for es war in English, awer der weg we-s mier ausgeleagt is warra, hut er explained we de black republicans an law macha wella so das de neayer all unser weiver un dechter heira kenna, un soll mich der deihenker hohla wann ich sell shtanda du, for wann si dog un des leavas an neayer sich amohl awmacht bi meiner fraw, de Bevvy, donn nemm ich a flint un shees ehn doht so gewiss das my nawm Pit Schwefflebrenner is. Law oder ken law, wann an schwartzer neayer amohl ons Bevvy heira geht, donn gebts dohty leit in Schliffletown, un now mind ebs net dut!

Now Misder Fodder Abraham, het ich gern das der mer seller lawyer doh ruf shicket for uns an shpeech macha, ysht weil er so orrig loud kreisha kann wann er schwetzt, for so ehner, wann mer ehn ach net fershtayt, macht doch an ivver ous gooter impression unnich unser demokrata, un no more at present.

Pit Schwefflebrenner.

Schliffletown, June 16, 1868.

Misder Fodder Abraham Drucker-

Deer Sir:

Denk amohl draw, doh forgesjder os selly alt hex, dem Sam Blinkamiller si fraw on unser house kumma un hut amohl prowiert my alty, de Bevvy, weis macha das my breefa wu der so shlick in eier roushiche, Zeitung ni gedu hent for mich, net fit sin for tsu publisha, un das de leit mich un de Bevvy yusht ouslacha derweaya. Un noch ehus hut de Blinkamillerissy g'sawt, un sell is, das all de Englishy shticker im Fodder Abraham nei gehna for de 'publican's party wu obsolut hawa wella das de neayer all unser beshty un shenshty demokratishy mœd heira missa. Uf course, ich weas das sell an leeg is. De Bevvy awer hut ehra amohl de mehnung g'sawt, un we my Blinkamillerissy ous gefunna hut das se de Bevvy net humbugga kann, donn is se uf un tsum loch nous, un ich denk net das de alt long-naasich retch in a hurry widder kummt.

De negsht woch wella mer amohl unser demokratishe meeting halta doh im shteddle, un mer expecta tswea lawyer fun Readingtown for speetches tsu macha. Donn look out, for es gebt an grossy tseit doh. If course ich shreib on eich un geb eich all de particulars fun der meeting.

In conclusion will ich eich wissa lussa das mer all g'sund sin alleweil, except der klea Johnny, for er hut de measles, un der eldsht, der Sammy, du weasht, er hut was se es dyfels fever heasa, uns bubbaly hut der blowa hooshta, un de Bevvy huts als noch so orrig im rick, un ich kan aw sheer gor net lawfa fun weaya dem ferdeihenkerta rummadicks. Wann ich yusht wist was goot is derfore! Der Bill Buffamoyer huts aw als g'hat doh de yohr, un so an demokratisher brauch duckder hut ehm amohl a risseat gevva derfore, un wann ich now net mistaken bin donn is des der weg we er de meditzeen gemacht hut: Im ershta plats hut er an grosser wasser kivvel genumma un amohl an quart gin nei gedu un donn an pint wodfehler brandy ovva druf; donn a halb tea cuply foll fun dem scheidam schnapps un a halb fœrtel ounce schlangawartzel; drei quart alt monnygahela; an fingerhoot foll wasser gemixed mit roder peffer un shtea kohla esh un a tea leffally foll kons-trouva wein un donn noch a weanich gin un a bissel meh alter monnygahela. Fun seller meditzeen hut der Bill als ally tswansich minnuta so an halb pint tumbler foll genumma, un awer es hut doch olles nix gebott! Ich habs yets aw shun about fier wocha proweert, un awer ich hab a notion es uf tsu gevva un nix nemma except yusht gooter monnygahela, un no more at present.

Pit Scweffledbrenner.

Schliffletown, June 23, 1868.

Misder Fodder Abraham Drucker-

Deer Sir:

On letshta Somshdog owat hen mer amohl unser demokratische meeting g'halta doh im shteddle, un alles is first rate goot obgonga. Es is wohr, de meeting war net gons so gross we mer se expect hen, un awer se war doch so-so- was mer reshpectable heast, for ich war dort, un der Mose Weawer, de Joonsa boowa, der Bill Kitzelmoyer un sein schwœr, der Porra Windbigler, der alt Bacherly, der Sam Dinkop, un noch onnery. Der hawpt monn awer war so an lawyer fun Readingtown, du weasht, seller wu so ivver ous goot English schwetza kann. Er sheint noch an yunger mann tsu si, un de shenshty krolliche hohr hut er das ich in meim dog un des leawas noch g'seana hab. According tsu was er g'sawt hut will er des shpoat-yohr amohl runna for so an emtly- ebbas fun weaya Disdrict Addorney. We des ding amohl bekannt gemacht war das so ehner um de weg is, donn hen mer uns all bei gemacht, un, uf course, kenner hut sich tswea mohl frohya lussa for ehns nemma. Fier mohl hut er gedreat, un mer hen eam donn aw all fershprocha ni tsu geh for ean wanns amohl ons delegate leckta geat.

Der Mose Weawer, den hen mer Bresident fun der meeding gemacht, un donn hut amohl der Porra Windbigler un foreschlog gemacht so an demokratishe dahler society shtarta, so uf de ort we's Heidelberg Brigade doh de yohr, un dass all de wu in favor derfore sin setta eara nawma in so an klea Constitution bichly ni schreiva. Uf course, mer wahra es aw all agreed, un donn hut amohl der Porra des bichly ous em sock un awfongo leasa. Ich hab es awer net entirely fershtay kenna weils in English war. Ich hab doch ousgemacht das ebbas drin is fun weaya de neayer, so das se net unser demokratishe mœd un weiver heira kenna.

Der Readingtown lawyer is donn ufgeshtonna un hut amohl an ivver ous finey shpeech gemacht uf English, un doh geb ich se eich so goot das ich kann, un wann es ungefehr mistakes gebt donn kennt er se selver correcta, for my larning in English is net yusht exactly so goot we se si set- doch kann ich es besser geh das my alty, de Bevvy, for se fershteat ken wart except wann de leit uf em morrickt se als frohya fun weaya dem price fun tswivvella un oyer un shtink-kase un so sacha; awer now doh gehts for de shpeech:

Now, chendleman of der demograddick bardy, I dell you some dings mit der Gonshdidusion uf der diggers what marry our demograddick wifes un wimmin bibbles, un not niggers un black bibbles anyhow, un we don't go for niggers what sit on dop of der choory box, un shleep in our bets, un eat in our dables, un git sich high larning in der shoolhouse mit der shool masder what shpick English fun Chester county-

Ich kanns beim bettle nimmy geh for de Englishe warta sin so hort tsu shpella, un awer ich kann de balance fun der shpeech in deitch gevva. Er hut aw ousgelegt we das de black republicans uns unnich de neayer du wella un de neayer wella se obsolut hawa for uf de juries hucka un all unser sei, un shofe un hinkle shteala, un donn wella se es aw so macha das de weise leit nimmy shool halta kenna, awer yusht neayer. Un noch eans, de maddadishda un de dunker un monnishda hen im sinn tsamma tsu shticka for unser freiheit entirely weck nemma un de constitution completely tsu ruimmineera, un sell shtanda mer beim deihenker net!

De negsht woch will ich nochamohl shreiva, un explaina we orrig shay un shmart der Porra Windbigler de sacha ouslegt. Wann ungefear de Bevvy zu shpoat kummt mit dem brief for ehn in eier negshty zeitung nei tsu du, donn luss mich es yusht wissa so das ich en in de Posht Office nei maila kann.

Pit Schwefflebrenner.

Schliffletown, June 30 1868.

Misder Fodder Abraham Drucker-

Deer Sir:

Ich bin im truvvel alleweil! De beshty demokrata in Schliffletown sin yets down uf mich fun weaya ebbas das ich net helfa kann, un wann es net wær das ich ally gebut amohl dreeta deat un aw immer mit drinka, un uf den weg my demokratishe brinciples ufhalta, donn het ich gar kea freind mea in der party. Un yetz will ich der aw sauya was das meer all der druvvel macht: my alty, de Bevvy, de hut sich so halwer gedreat uf de publicans eara side, un for sell duhna de leit suspecta das ich selver an turncoat bin, un sell is doch gewiss net wohr. De fact is, de Bevvy is gons deifelheftich orrig down uf den Porra Windbigler, un se hut sich fershwora das wann er uns yeamohls ins house kummt donn dut se der hund hinnich ehn hetza un der sei kivvel ivver ehn ouslehra. Un now, Misder FODDER ABRAHAM, ferwas is all de fuss fun weaya dem goota demokratisha Porra? Ei yusht weil er so an Mormon is. Er is fun Saltz Lake kumma, du weasht, un so ball das de leckshun ferbei is des shpoat yohr hut er im sin widder nous tsu gea, un was de Bevvy so base macht is weil de Mormons ni gehn for an demokratishe law macha so das unser eans so fiel weiver heira kann das mer will, un se hut so an suspicion das ich aw noch an Mormon geb, abbordich wann noch der Porra Windbigler um de weg is, un awer for sellam huts kea gefohr, for ich kann der sawya das eanich eaner dær an fraw hut we my Bevvy der hut plenty genunk on eaner, for se is finf foos nine tsoll hoch, nine undreisich yohr alt un weegt tswea hunnert un sivvatseh pund un drei-færtle, neat measure.

Well, weil de Bevvy so orrig down is uf de Mormons gebt mein Porra Windbigler goot acht das er net in unser house kummt, un awer er geat als ally owat ons Kitzeldfers wærtshouse, un dort dut er uns als de demokratishe principles ousleaya. Om Sundog nummiddog hut er uns amohl explained fun weaya demokratishe brincibles un de Mormon religion. Er behaupt das es besht ding das de party du kennt wær der Brigham Young ufnemma for Bresident, un seller Brick Pummeroy for der weis Bresident. Der Brigham Young hut alleweil sex-un-sivvatsich weiver un about drei hunnert kinner, un ally monn a demokrat, un now secht der Porra Windbigler, eaner dær so fiel dut for de party set unnershtitzt si, un noch so ehner is net tsu finna in der gons United States, un dawrum set mer ehn uf nemma.

Mer hen aw unser demokratishe society yets shun so holwer in gong. An yeader mus an dahler nei betzahla wann er se joined, un mer hen a notion des Mormon brincible so a weanich supporta un a kleh shtickly in de constitution ni du derweaya, for ich mus es selver sawya das des ding g'fallt mer, yusht derheam dærraf mer evva nix derfoo sawya, sunsht is der deifel loas unnich de websleit. Ich habe awer a notion das wann mer es so fixa deat das an yeady fraw aw so fiel menner heira kennt das se wet, donn wæra de menshty fun ehna g'satisfied. Un awer seller plan shafft si dog un des leawas net, for now, suppose my Bevvy, for instance, deat noch about a dutzend menner heira besides mich, un suppose a dehl fun ehna wœra weeshty schwartzy neayer- denksht ich deht sell shtanda? Immer un eawich net! Awer ich denk hardly das de Bevvy yea so weit in des Mormon brincible ni gea deat das se an neayer heira deat. Ich wills anyhow net huffa.

De ferdeihenkerty maddadishta de hen doh so a Sundog shool, un ally Sundog duhna se als a dehl fun unser beshty demokrata ehra kinner ni coaxa, un ebbas mus gedoo wærra dergeaya, oder de yungy rutsnaasa kreaya uf den weg aw noch fun denna publican brinciples in ehra kep un macha der party fiel druvvel ivver a while. Awer my bobbier is om foll wærra un ich mus shtoppa for des mohl un no more at present.

Pit Schwefflebrenner.

P.S.- De negsht woch is de gross demokratish convention in Nei Yorrick for eaner uf nemma, un ich hab a notion aw tsu gea, for se sawya mer kann sich so a discussion dicket kawfa uf em Railroad for holb price. Wann ich gea donn will ich aw de particulars shreiva.

P.S.

Schliffletown, May 25, 1868. (Fraktur)

𝔐𝔦𝔰𝔡𝔢𝔯 𝔉𝔬𝔡𝔡𝔢𝔯 𝔄𝔟𝔯𝔞𝔥𝔞𝔪 𝔇𝔯𝔲𝔠𝔨𝔢𝔯-

𝔇𝔢𝔢𝔯 𝔖𝔦𝔯:

𝔒𝔪 𝔩𝔢𝔱𝔰𝔥𝔱𝔞 𝔰𝔬𝔪𝔰𝔥𝔡𝔬𝔤 𝔪𝔬𝔯𝔶𝔞 𝔦𝔰 𝔪𝔶 𝔞𝔩𝔱𝔶, 𝔡𝔢 𝔅𝔢𝔳𝔳𝔶, 𝔥𝔢𝔞𝔪 𝔨𝔲𝔪𝔪𝔞 𝔣𝔲𝔪 𝔪𝔬𝔯𝔯𝔦𝔠𝔨𝔱, 𝔲𝔪 𝔴𝔢 𝔰𝔢 𝔯𝔦 𝔦𝔫𝔰 𝔥𝔬𝔲𝔰𝔢 𝔦𝔰 𝔲𝔫 𝔰𝔦𝔠𝔥 𝔲𝔣 𝔡𝔢𝔯 𝔤𝔯𝔬𝔰𝔰 𝔰𝔥𝔲𝔠𝔨𝔩𝔢 𝔰𝔥𝔱𝔬𝔬𝔩 𝔤'𝔥𝔲𝔠𝔨𝔱 𝔥𝔲𝔱, 𝔡𝔬𝔫𝔫 𝔥𝔞𝔟 𝔦𝔠𝔥 𝔤𝔯𝔞𝔴𝔡 𝔤'𝔰𝔢𝔞 𝔡𝔞𝔰 𝔴𝔦𝔡𝔡𝔢𝔯 𝔞𝔪𝔬𝔥𝔩 𝔢𝔟𝔟𝔞𝔰 𝔦𝔪 𝔤𝔬𝔫𝔤 𝔦𝔰. 𝔚𝔦𝔢 𝔤'𝔰𝔞𝔴𝔱, 𝔡𝔢 𝔅𝔢𝔳𝔳𝔶 𝔴𝔞𝔯 𝔦𝔫 𝔡𝔢𝔯 𝔖𝔥𝔱𝔞𝔡𝔱, 𝔲𝔣 𝔢𝔪 𝔪𝔬𝔯𝔯𝔦𝔠𝔨𝔱, 𝔲𝔫 𝔰𝔢 𝔥𝔲𝔱 𝔞𝔩𝔩𝔢𝔰 𝔬𝔲𝔰𝔣𝔢𝔯𝔨𝔞𝔴𝔣𝔱- 𝔟𝔲𝔱𝔱𝔢𝔯, 𝔟𝔬𝔥𝔫𝔞, 𝔱𝔰𝔴𝔦𝔳𝔳𝔢𝔩𝔩𝔞, 𝔰𝔠𝔥𝔫𝔦𝔱𝔷, 𝔩𝔬𝔡𝔴𝔞𝔯𝔯𝔦𝔠𝔨 𝔲𝔫 𝔬𝔶𝔢𝔯. 𝔄𝔟𝔬𝔲𝔱 𝔣𝔦𝔫𝔣 𝔭𝔲𝔫𝔡 𝔡𝔢𝔦𝔱𝔰𝔠𝔥𝔢𝔯 𝔨𝔞𝔰𝔢 𝔥𝔲𝔱 𝔰𝔢 𝔞𝔴𝔢𝔯 𝔴𝔦𝔡𝔡𝔢𝔯 𝔥𝔢𝔞𝔪 𝔤𝔢𝔟𝔯𝔬𝔠𝔥𝔱- 𝔰𝔢𝔩𝔩𝔢𝔯 𝔥𝔲𝔱 𝔰𝔢 𝔫𝔢𝔱 𝔣𝔢𝔯𝔨𝔞𝔴𝔣𝔞 𝔨𝔢𝔫𝔫𝔞 𝔴𝔢𝔦𝔩 𝔢𝔯 𝔰𝔬 𝔞 𝔴𝔢𝔞𝔫𝔦𝔠𝔥 𝔩𝔬𝔲𝔡-𝔰𝔠𝔥𝔪𝔞𝔠𝔨𝔦𝔠𝔥 𝔴𝔞𝔯, 𝔣𝔬𝔯 𝔰𝔬 𝔞𝔫 𝔤𝔢𝔯𝔲𝔠𝔥, 𝔰𝔬𝔪𝔢𝔥𝔬𝔴, 𝔡𝔲 𝔴𝔢𝔞𝔰𝔥𝔱, 𝔤𝔩𝔢𝔦𝔠𝔥𝔞 𝔡𝔢 𝔰𝔥𝔱𝔞𝔡𝔱 𝔩𝔢𝔦𝔱 𝔫𝔢𝔱. 𝔚𝔢𝔩𝔩, 𝔡𝔢𝔰 𝔡𝔦𝔫𝔤 𝔴𝔞𝔯 𝔤𝔬𝔬𝔱, 𝔡𝔬𝔫𝔫 𝔰𝔞𝔴𝔤𝔱 𝔡𝔢 𝔅𝔢𝔳𝔳𝔶, 𝔰𝔢𝔠𝔥𝔱 𝔰𝔢:

"𝔑𝔬𝔴 𝔓𝔦𝔱, 𝔫𝔬𝔴 𝔴𝔦𝔩𝔩 𝔦𝔠𝔥 𝔡𝔢𝔯 𝔞𝔪𝔬𝔥𝔩 𝔢𝔟𝔟𝔞𝔰 𝔰𝔞𝔴𝔶𝔞, 𝔲𝔫 𝔞𝔴𝔢𝔯 𝔡𝔲 𝔪𝔲𝔰𝔥𝔱 𝔫𝔢𝔱 𝔟æ𝔰 𝔴æ𝔯𝔯𝔞, 𝔣𝔬𝔯 𝔦𝔠𝔥 𝔥𝔞𝔟 𝔡𝔯𝔢𝔦 𝔣æ𝔯𝔱𝔩𝔢 𝔡𝔞𝔥𝔩𝔢𝔯 𝔬𝔲𝔰𝔤𝔢𝔳𝔳𝔞 𝔣𝔬𝔯 𝔢𝔟𝔟𝔞𝔰 𝔡𝔞𝔰 𝔡𝔦𝔠𝔥 𝔣𝔢𝔯𝔩𝔢𝔦𝔠𝔥𝔱 𝔫𝔢𝔱 𝔶𝔲𝔰𝔥𝔱 𝔢𝔵𝔞𝔠𝔱𝔩𝔶 𝔰𝔲𝔦𝔱. 𝔊𝔢𝔩𝔩, 𝔓𝔦𝔱, 𝔡𝔲 𝔴æ𝔯𝔰𝔥𝔱 𝔫𝔬𝔴 𝔫𝔢𝔱 𝔟æ𝔰 𝔴𝔞𝔫 𝔦𝔠𝔥 𝔡𝔢𝔯𝔰 𝔰𝔞𝔴𝔤," 𝔰𝔢𝔠𝔥𝔱 𝔰𝔢.

"𝔜𝔲𝔰𝔥𝔱 𝔰𝔞𝔴𝔤𝔰," 𝔥𝔞𝔟 𝔦𝔠𝔥 𝔤'𝔰𝔞𝔴𝔱, "𝔶𝔲𝔰𝔥𝔱 𝔯𝔬𝔲𝔰𝔢 𝔪𝔦𝔱- 𝔴𝔞𝔰 𝔦𝔰 𝔢𝔰?"

"𝔈𝔦," 𝔰𝔢𝔠𝔥𝔱 𝔡𝔢 𝔅𝔢𝔳𝔳𝔶, "𝔦𝔠𝔥 𝔥𝔞𝔟 𝔞𝔪𝔬𝔥𝔩 𝔰𝔲𝔟𝔰𝔠𝔯𝔦𝔟𝔢𝔡 𝔣𝔬𝔯 𝔞𝔫 ℨ𝔢𝔦𝔱𝔲𝔫𝔤- 𝔡𝔢 𝔉𝔬𝔡𝔡𝔢𝔯 𝔄𝔟𝔯𝔞𝔥𝔞𝔪'𝔰 ℨ𝔢𝔦𝔱𝔲𝔫𝔤."

"𝔚𝔞𝔰! 𝔄𝔫 𝔉𝔬𝔡𝔡𝔢𝔯 𝔄𝔟𝔯𝔞𝔥𝔞𝔪'𝔰 ℨ𝔢𝔦𝔱𝔲𝔫𝔤! 𝔚𝔢𝔫 𝔪𝔢𝔞𝔫𝔰𝔥𝔱 𝔡𝔲 𝔡𝔬𝔫𝔫? 𝔇𝔬𝔠𝔥 𝔫𝔢𝔱 𝔡𝔢𝔯 𝔞𝔩𝔱 𝔄𝔟𝔯𝔞𝔥𝔞𝔪 𝔚𝔢𝔠𝔨𝔟𝔢𝔠𝔨𝔢𝔯 𝔴𝔬 𝔰𝔬 𝔬𝔯𝔯𝔦𝔤 𝔰𝔞𝔲𝔣𝔱?"

𝔚𝔦𝔢 𝔦𝔠𝔥 𝔰𝔢𝔩𝔩 𝔤'𝔰𝔞𝔴𝔱 𝔥𝔞𝔟 𝔡𝔬𝔫𝔫𝔱 𝔥𝔢𝔱𝔰𝔥𝔱 𝔞𝔴𝔢𝔯 𝔞𝔪𝔬𝔥𝔩 𝔪𝔶 𝔅𝔢𝔳𝔳𝔶 𝔥æ𝔯𝔞 𝔰𝔢𝔩𝔩𝔞 𝔩𝔞𝔠𝔥𝔞! ℑ𝔪𝔪𝔢𝔯 𝔲𝔫 𝔢𝔞𝔴𝔦𝔠𝔥, 𝔴𝔞𝔰 𝔥𝔲𝔱 𝔞𝔴𝔢𝔯 𝔪𝔶 𝔅𝔢𝔳𝔳𝔶 𝔤𝔢𝔩𝔞𝔠𝔥𝔱! 𝔘𝔫 𝔡𝔬𝔫𝔫 𝔥𝔞𝔟 𝔦𝔠𝔥 𝔞𝔴 𝔤𝔯𝔞𝔴𝔡 𝔪𝔶 𝔪𝔦𝔫𝔡 𝔲𝔣𝔤𝔢𝔪𝔞𝔠𝔥𝔱 𝔡𝔞𝔰 𝔡𝔬𝔥 𝔢𝔟𝔟𝔞𝔰 𝔥𝔦𝔫𝔫𝔦𝔠𝔥 𝔡𝔢𝔪 𝔉𝔬𝔡𝔡𝔢𝔯 𝔄𝔟𝔯𝔞𝔥𝔞𝔪 𝔰𝔥𝔱𝔢𝔠𝔨𝔱. 𝔇𝔬𝔫𝔫 𝔥𝔲𝔱 𝔡𝔢 𝔅𝔢𝔳𝔳𝔶 𝔤'𝔰𝔞𝔴𝔱, 𝔰𝔢𝔠𝔥𝔱 𝔰𝔢, "𝔈𝔦 𝔫𝔞𝔶, 𝔓𝔦𝔱, 𝔴𝔞𝔰 𝔡𝔢𝔫𝔨𝔰𝔥𝔱 𝔡𝔲 𝔡𝔬𝔫𝔫- 𝔡𝔢𝔫𝔨𝔰𝔥𝔱 𝔦𝔠𝔥 𝔡æ𝔱 𝔰𝔲𝔟𝔰𝔠𝔯𝔦𝔟𝔞 𝔲𝔫 𝔡𝔯𝔢𝔦 𝔣æ𝔯𝔱𝔩𝔢 𝔡𝔞𝔥𝔩𝔢𝔯 𝔟𝔢𝔱𝔷𝔞𝔥𝔩𝔞 𝔬𝔫 𝔰𝔬 𝔞𝔫 𝔞𝔩𝔱𝔢𝔯 𝔰𝔦𝔣𝔣𝔢𝔯 𝔴𝔢 𝔰𝔢𝔩𝔩𝔢𝔯 𝔄𝔟𝔯𝔞𝔥𝔞𝔪 𝔚𝔢𝔠𝔨𝔟𝔢𝔠𝔨𝔢𝔯? 𝔑𝔬 𝔰𝔦𝔯-𝔯𝔢𝔢," 𝔰𝔢𝔠𝔥𝔱 𝔰𝔢, "𝔞𝔴𝔢𝔯 𝔦𝔠𝔥 𝔥𝔞𝔟 𝔰𝔲𝔟𝔰𝔠𝔯𝔦𝔟𝔢𝔡 𝔣𝔬𝔯 𝔡𝔢 𝔯𝔬𝔲𝔰𝔥𝔦𝔠𝔥 ℨ𝔢𝔦𝔱𝔲𝔫𝔤 𝔴𝔲 𝔉𝔬𝔡𝔡𝔢𝔯 𝔄𝔟𝔯𝔞𝔥𝔞𝔪 𝔥æ𝔰𝔱."

𝔚𝔦𝔢 𝔡𝔢 𝔅𝔢𝔳𝔳𝔶 𝔰𝔢𝔩𝔩 𝔤'𝔰𝔞𝔴𝔱 𝔥𝔲𝔱, 𝔡𝔬𝔫𝔫 𝔟𝔦𝔫 𝔦𝔠𝔥 𝔞𝔴𝔢𝔯 𝔡𝔬𝔠𝔥 𝔰𝔬 𝔥𝔞𝔩𝔴𝔢𝔯 𝔣𝔞𝔩𝔰𝔥 𝔴𝔞𝔯𝔯𝔞, 𝔣𝔬𝔯 𝔦𝔠𝔥 𝔟𝔦𝔫 𝔞𝔫 𝔱𝔯𝔲𝔢 𝔟𝔩𝔲𝔢 𝔡𝔢𝔪𝔬𝔨𝔯𝔞𝔱, 𝔲𝔫 𝔡𝔬𝔴𝔫 𝔲𝔣 ℨ𝔢𝔦𝔱𝔲𝔫𝔤𝔞 𝔲𝔫 𝔟𝔦𝔠𝔥𝔢𝔯 𝔲𝔫 𝔰𝔥𝔬𝔬𝔩𝔞 𝔲𝔫 𝔞𝔩𝔩 𝔰𝔬 𝔰𝔥𝔱𝔲𝔣𝔱 𝔴𝔲 𝔫𝔦𝔵 𝔴æ𝔯𝔱 𝔦𝔰. 𝔚𝔢𝔦𝔩 𝔢𝔰 𝔞𝔴𝔢𝔯 𝔶𝔲𝔰𝔥𝔱 𝔡𝔯𝔢𝔦 𝔣æ𝔯𝔱𝔩𝔢 𝔡𝔞𝔥𝔩𝔢𝔯 𝔨𝔬𝔰𝔥𝔱, 𝔣𝔬𝔯 𝔰𝔬 𝔣𝔦𝔢𝔩 𝔦𝔰 𝔡𝔢 ℨ𝔢𝔦𝔱𝔲𝔫𝔤 𝔴æ𝔯𝔱 𝔣𝔬𝔯 𝔩𝔬𝔡𝔴æ𝔯𝔯𝔦𝔠𝔨 𝔥𝔢𝔣𝔣𝔞 𝔷𝔲 𝔟𝔦𝔫𝔫𝔞 𝔲𝔫 𝔣𝔯𝔬𝔠𝔨 𝔭𝔞𝔱𝔱𝔢𝔯𝔫𝔰 𝔪𝔞𝔠𝔥𝔞 𝔣𝔬𝔯𝔰 𝔟𝔲𝔟𝔟𝔞𝔩𝔶, 𝔥𝔞𝔟 𝔦𝔠𝔥 𝔤𝔞𝔡𝔢𝔫𝔨𝔱, 𝔪𝔞𝔤 𝔢𝔰 𝔡𝔬𝔫𝔫 𝔰𝔬 𝔰𝔦, 𝔭𝔯𝔬𝔳𝔦𝔡𝔢𝔡 𝔢𝔰 𝔦𝔰 𝔞𝔫 𝔡𝔢𝔪𝔬𝔨𝔯𝔞𝔱𝔦𝔰𝔥𝔢 ℨ𝔢𝔦𝔱𝔲𝔫𝔤.

𝔘𝔫 𝔫𝔬𝔴 𝔴𝔦𝔩𝔩 𝔦𝔠𝔥 𝔡𝔢𝔯 𝔞𝔪𝔬𝔥𝔩 𝔰𝔞𝔲𝔤𝔞 𝔴𝔦𝔢 𝔢𝔰 𝔡𝔬𝔥 𝔦𝔫 𝔖𝔠𝔥𝔩𝔦𝔣𝔣𝔩𝔢𝔱𝔬𝔴𝔫 𝔥𝔞𝔯 𝔤𝔢𝔥𝔱. 𝔇𝔲 𝔴𝔢𝔞𝔰𝔥𝔱, 𝔪𝔢𝔯 𝔰𝔦𝔫 𝔶𝔲𝔰𝔥𝔱 𝔞𝔟𝔬𝔲𝔱 𝔤𝔬𝔬𝔱𝔶 𝔡𝔢𝔪𝔬𝔨𝔯𝔞𝔱𝔞 𝔡𝔬𝔥, 𝔲𝔫 𝔞𝔴𝔢𝔯 𝔪𝔢𝔯 𝔥𝔢𝔫 𝔰𝔬 𝔬𝔯𝔯𝔦𝔤 𝔣𝔦𝔢𝔩 𝔱𝔯𝔲𝔳𝔢𝔩 𝔪𝔦𝔱 𝔡𝔢𝔫𝔫𝔞 𝔪𝔞𝔡𝔡𝔞𝔡𝔦𝔰𝔥𝔱𝔞, 𝔡𝔢 𝔴𝔞𝔰 𝔪𝔢𝔯 𝔡𝔢 𝔰𝔥𝔱𝔯𝔞𝔴𝔢𝔩𝔩𝔢𝔯 𝔥𝔢𝔞𝔰𝔞. 𝔇𝔬𝔥 𝔣𝔬𝔯𝔯𝔞𝔪 𝔶𝔬𝔥𝔯 𝔥𝔢𝔫 𝔰𝔢 𝔞𝔫 𝔪𝔢𝔢𝔱𝔦𝔫𝔤 𝔥𝔬𝔲𝔰𝔢 𝔤𝔢𝔟𝔞𝔲𝔱 𝔦𝔫 𝔲𝔫𝔰𝔢𝔯𝔪 𝔰𝔥𝔱𝔢𝔡𝔡𝔩𝔢, 𝔲𝔫 𝔰𝔦𝔡𝔡𝔢𝔯 𝔰𝔢𝔩𝔩𝔞𝔪 𝔡𝔲𝔥𝔫𝔞 𝔰𝔢 𝔞𝔩𝔩𝔶 𝔤𝔢𝔟𝔲𝔱 𝔞𝔪𝔬𝔥𝔩 𝔢𝔥𝔫𝔰 𝔣𝔲𝔫 𝔲𝔫𝔰𝔢𝔯 𝔟𝔢𝔰𝔥𝔱𝔶 𝔡𝔢𝔪𝔬𝔨𝔯𝔞𝔱𝔞 𝔫𝔦𝔳𝔢𝔯 𝔲𝔣 𝔢𝔞𝔯𝔞 𝔰𝔢𝔦𝔱 𝔠𝔬𝔞𝔵𝔞, 𝔲𝔫 𝔡𝔬𝔫𝔫, 𝔲𝔣 𝔠𝔬𝔲𝔯𝔰𝔢, 𝔬𝔟 𝔰𝔦𝔫 𝔰𝔢! 𝔇𝔬𝔥 𝔴𝔞𝔯 𝔣𝔬𝔯 𝔦𝔫𝔰𝔱𝔞𝔫𝔠𝔢, 𝔡𝔢𝔯 𝔐𝔬𝔰𝔢 ℌ𝔢𝔫𝔨𝔢𝔯𝔟𝔞𝔠𝔥- 𝔡æ𝔯 𝔴𝔞𝔯 𝔞𝔩𝔰 𝔢𝔞𝔫𝔰 𝔣𝔲𝔫 𝔲𝔫𝔰𝔢𝔯 𝔟𝔢𝔰𝔥𝔱𝔶 𝔡𝔢𝔪𝔬𝔨𝔯𝔞𝔱𝔞. 𝔚𝔞𝔫𝔫 𝔞𝔩𝔰 𝔞𝔫 𝔣𝔯𝔬𝔩𝔦𝔠 𝔦𝔫 𝔡𝔢𝔯 𝔫𝔬𝔠𝔥𝔟𝔢𝔯𝔰𝔥𝔞𝔣𝔱 𝔴𝔞𝔯, 𝔬𝔡𝔡𝔢𝔯 𝔞𝔫 𝔥𝔬𝔯𝔰𝔢 𝔯𝔞𝔠𝔢, 𝔬𝔡𝔡𝔢𝔯 𝔞𝔫 𝔟𝔞𝔡𝔡𝔬𝔩𝔶𝔞, 𝔡𝔬𝔫𝔫 𝔴𝔞𝔯 𝔪𝔢𝔦𝔫 𝔐𝔬𝔰𝔢 𝔞𝔩𝔰𝔣𝔬𝔯𝔱 𝔡𝔢𝔯𝔟𝔢𝔦, 𝔲𝔫 𝔪𝔢𝔯 𝔥𝔲𝔱 𝔢𝔥𝔫 𝔫𝔢 𝔫𝔢𝔱 𝔱𝔰𝔴𝔢𝔞 𝔪𝔬𝔥𝔩 𝔣𝔯𝔬𝔤𝔞 𝔟𝔯𝔞𝔲𝔠𝔥𝔞 𝔣𝔬𝔯 𝔞𝔫 𝔤𝔞𝔪𝔢 𝔭𝔬𝔨𝔢𝔯 𝔰𝔥𝔭𝔢𝔢𝔩𝔞, 𝔬𝔡𝔡𝔢𝔯 𝔰𝔦𝔳𝔳𝔞 𝔲𝔣 𝔣𝔬𝔯 𝔡𝔢 𝔡𝔯𝔦𝔫𝔨𝔰. 𝔘𝔫 𝔤𝔬𝔬𝔱𝔢𝔯 𝔴𝔥𝔦𝔰𝔨𝔢𝔶 𝔥𝔲𝔱 𝔢𝔯 𝔞𝔴 𝔦𝔪𝔪𝔢𝔯 𝔦𝔪 𝔥𝔬𝔲𝔰𝔢 𝔤'𝔥𝔞𝔱, 𝔲𝔫 𝔬𝔩𝔩𝔶 𝔪𝔬𝔥𝔩 𝔤𝔢𝔡𝔯𝔢𝔞𝔱 𝔥𝔲𝔱 𝔢𝔯 𝔴𝔞𝔫𝔫 𝔪𝔢𝔯 𝔬𝔫𝔫𝔞 𝔦𝔰 𝔤𝔬𝔫𝔤𝔞, 𝔲𝔫 𝔡𝔬𝔥 𝔨𝔞𝔫𝔫𝔰𝔥𝔱 𝔡𝔢𝔫𝔨𝔞 𝔴𝔞𝔯 𝔨𝔢𝔫 𝔟𝔢𝔰𝔰𝔢𝔯𝔢𝔯 𝔡𝔢𝔪𝔬𝔨𝔯𝔞𝔱 𝔱𝔰𝔲 𝔣𝔦𝔫𝔫𝔞 𝔴𝔦𝔢 𝔡𝔢𝔯 𝔐𝔬𝔰𝔢. 𝔄𝔴𝔢𝔯 𝔫𝔬𝔴, 𝔰𝔦𝔡𝔡𝔢𝔯 𝔡𝔞𝔰 𝔢𝔯 𝔡𝔢 𝔰𝔥𝔱𝔯𝔞𝔴𝔢𝔩𝔩𝔢𝔯 𝔤𝔢𝔧𝔬𝔦𝔫𝔢𝔡 𝔥𝔲𝔱, 𝔴𝔞𝔰 𝔦𝔰 𝔢𝔯? 𝔒𝔫𝔰 𝔡𝔯𝔦𝔫𝔨𝔞 𝔨𝔞𝔫𝔫 𝔪𝔢𝔯 𝔢𝔥𝔫 𝔤𝔬𝔯 𝔫𝔦𝔪𝔪𝔶 𝔨𝔯𝔢𝔶𝔞, 𝔲𝔫 𝔨𝔞𝔯𝔱𝔞 𝔰𝔥𝔭𝔦𝔢𝔩𝔞 𝔲𝔫 𝔟𝔢𝔫𝔰𝔞 𝔭𝔦𝔱𝔠𝔥𝔞 𝔡𝔲𝔱 𝔢𝔯 𝔞𝔴 𝔫𝔦𝔪𝔪𝔶, 𝔲𝔫 𝔲𝔣 𝔠𝔬𝔲𝔯𝔰𝔢, 𝔡𝔲 𝔨𝔞𝔫𝔫𝔰𝔱 𝔡𝔢𝔫𝔨𝔞, 𝔰𝔦 𝔤𝔬𝔬𝔱𝔶 𝔞𝔩𝔱𝔶 𝔡𝔢𝔪𝔬𝔨𝔯𝔞𝔱𝔦𝔰𝔥𝔢 𝔟𝔯𝔦𝔫𝔠𝔦𝔭𝔩𝔢𝔰 𝔥𝔢𝔫 𝔢𝔥𝔫 𝔢𝔫𝔱𝔦𝔯𝔢𝔩𝔶 𝔣𝔢𝔯𝔩𝔲𝔰𝔰𝔞!

𝔑𝔬𝔴 𝔐𝔦𝔰𝔡𝔢𝔯 𝔇𝔯𝔲𝔠𝔨𝔢𝔯, 𝔪𝔢𝔯 𝔥𝔢𝔫 𝔦𝔪 𝔰𝔦𝔫𝔫 𝔰𝔬 𝔞𝔫 𝔡𝔞𝔥𝔩𝔢𝔯 𝔰𝔬𝔠𝔦𝔢𝔱𝔶 𝔲𝔣 𝔨𝔯𝔢𝔶𝔞 𝔡𝔬𝔥 𝔦𝔪 𝔰𝔥𝔱𝔢𝔡𝔡𝔩𝔢, 𝔡𝔲 𝔴𝔢𝔞𝔰𝔥𝔱, 𝔰𝔬 𝔞 𝔴𝔢𝔫𝔦𝔠𝔥 𝔲𝔣 𝔡𝔢 𝔞𝔯𝔱 𝔴𝔢 𝔰𝔢𝔩𝔩𝔞𝔪 ℌ𝔲𝔟𝔢𝔯 𝔰𝔦 ℌ𝔢𝔦𝔡𝔢𝔩𝔟𝔢𝔯𝔤 𝔅𝔯𝔦𝔤𝔞𝔡𝔢 𝔣𝔲𝔫 𝔅𝔞𝔯𝔯𝔦𝔠𝔨𝔰 𝔠𝔬𝔲𝔫𝔱𝔶 𝔡𝔬𝔥 𝔣𝔬𝔯 𝔞 𝔭𝔞𝔞𝔯 𝔶𝔬𝔥𝔯. 𝔘𝔣 𝔠𝔬𝔲𝔯𝔰𝔢, 𝔡𝔢 𝔰𝔬𝔠𝔦𝔢𝔱𝔶 𝔰𝔬𝔩𝔩 𝔡𝔢𝔪𝔬𝔨𝔯𝔞𝔱𝔦𝔰𝔥 𝔰𝔦, 𝔣𝔬𝔯 𝔢𝔟𝔟𝔞𝔰 𝔪𝔦𝔰𝔰𝔞 𝔪𝔢𝔯 𝔡𝔲, 𝔣𝔬𝔯 𝔦𝔠𝔥 𝔨𝔞𝔫𝔫 𝔡𝔢𝔯 𝔰𝔞𝔴𝔶𝔞 𝔡𝔞𝔰 𝔡𝔢 𝔣𝔯𝔢𝔦-𝔰𝔥𝔬𝔬𝔩𝔞 𝔲𝔫 𝔣𝔢𝔢𝔩𝔞 ℨ𝔢𝔦𝔱𝔲𝔫𝔤𝔞, 𝔲𝔫 𝔟𝔦𝔠𝔥𝔢𝔯 𝔲𝔫 𝔰𝔥𝔱𝔯𝔞𝔴𝔢𝔩𝔩𝔢𝔯 𝔨æ𝔯𝔯𝔦𝔠𝔥𝔞 𝔡𝔲𝔥𝔫𝔞 𝔲𝔫𝔰𝔢𝔯 𝔭𝔞𝔯𝔱𝔶 𝔫𝔬𝔠𝔥 𝔤𝔬𝔫𝔱𝔷 𝔢𝔫𝔱𝔦𝔯𝔢𝔩𝔶 𝔯𝔲𝔪𝔦𝔫𝔢𝔢𝔯𝔞! 𝔇𝔢𝔰 𝔥𝔬𝔠𝔥 𝔩𝔞𝔯𝔫𝔦𝔫𝔤 𝔦𝔰 𝔞𝔩𝔩𝔢𝔰 𝔫𝔦𝔵 𝔴æ𝔯𝔱. 𝔇𝔬𝔥 𝔴𝔞𝔯 𝔪𝔶 𝔫𝔬𝔠𝔥𝔟𝔢𝔯, 𝔡𝔢𝔯 𝔖𝔞𝔪 𝔇𝔦𝔫𝔨𝔬𝔭, 𝔢𝔯 𝔥𝔲𝔱 𝔞𝔩𝔰 𝔦𝔪𝔪𝔢𝔯 𝔡𝔯𝔲𝔣 𝔦𝔫𝔰𝔦𝔰𝔱 𝔡𝔞𝔰 𝔰𝔢𝔦𝔫 𝔍𝔬𝔫𝔫𝔶 𝔞𝔫 𝔥𝔬𝔠𝔥𝔶 𝔩𝔞𝔯𝔫𝔦𝔫𝔤 𝔪𝔲𝔰 𝔥𝔞𝔴𝔞 𝔦𝔫 𝔡𝔢𝔯 𝔎𝔞𝔡𝔢𝔪𝔶, 𝔲𝔫 𝔬𝔟𝔰𝔬𝔩𝔲𝔱 𝔥𝔲𝔱𝔰 𝔰𝔬 𝔰𝔦 𝔪𝔦𝔰𝔰𝔞. 𝔖𝔢𝔦𝔫 𝔍𝔬𝔫𝔫𝔶 𝔥𝔲𝔱 𝔢𝔯 𝔦𝔫 𝔡𝔢 𝔰𝔥𝔬𝔬𝔩 𝔤'𝔰𝔥𝔦𝔠𝔨𝔱, 𝔦𝔫 𝔰𝔢𝔩𝔩𝔶 𝔎𝔞𝔡𝔢𝔪𝔶, 𝔡𝔲 𝔴𝔢𝔞𝔰𝔥𝔱, 𝔲𝔫 𝔦𝔠𝔥 𝔥𝔞𝔟 𝔢𝔥𝔪 𝔪𝔢𝔥 𝔡𝔞𝔰 𝔞𝔪𝔬𝔥𝔩 𝔤'𝔰𝔞𝔴𝔱, 𝔡𝔞𝔰 𝔰𝔢𝔩𝔩 𝔶𝔲𝔰𝔥𝔱 𝔞𝔫 𝔫𝔬𝔯𝔯𝔞 𝔰𝔥𝔬𝔭 𝔦𝔰 𝔣𝔬𝔯 𝔶𝔬𝔲𝔫𝔤𝔶 𝔫𝔬𝔯𝔯𝔞 𝔪𝔞𝔠𝔥𝔞, 𝔞𝔴𝔢𝔯 𝔡𝔢𝔫𝔨𝔰𝔥𝔱 𝔦𝔠𝔥 𝔥𝔢𝔱 𝔢𝔥𝔫 𝔠𝔬𝔫𝔳𝔦𝔫𝔠̧𝔞 𝔨𝔢𝔫𝔫𝔞? 𝔘𝔫 𝔫𝔬𝔴 𝔴𝔞𝔰 𝔦𝔰 𝔰𝔢𝔩𝔩𝔢𝔯 𝔍𝔬𝔫𝔫𝔶? 𝔊𝔢𝔩𝔞𝔯𝔫𝔱 𝔦𝔰 𝔢𝔯, 𝔰𝔢𝔩𝔩 𝔦𝔰 𝔴𝔬𝔥𝔯, 𝔲𝔫 𝔞𝔴𝔢𝔯 𝔬𝔫 𝔡𝔢𝔯 𝔩𝔢𝔱𝔰𝔥𝔱𝔞 𝔩𝔢𝔨𝔰𝔥𝔲𝔫 𝔥𝔲𝔱 𝔢𝔯𝔰 𝔤𝔬𝔫𝔱𝔷 𝔢𝔫𝔱𝔦𝔯𝔢 𝔟𝔩𝔞𝔠𝔨 𝔯𝔢𝔭𝔲𝔟𝔩𝔦𝔠𝔞𝔫 𝔡𝔦𝔠𝔨𝔢𝔱 𝔤𝔢𝔳𝔬𝔱𝔢! 𝔘𝔣 𝔠𝔬𝔲𝔯𝔰𝔢, 𝔡𝔢𝔯 𝔖𝔞𝔪 𝔥𝔲𝔱 𝔡𝔢𝔰 𝔡𝔦𝔫𝔤 𝔬𝔯𝔯𝔦𝔤 𝔥𝔬𝔯𝔱 𝔤𝔢𝔫𝔲𝔪𝔪𝔞; 𝔣𝔬𝔯 𝔞𝔫 𝔟𝔢𝔰𝔰𝔢𝔯𝔢𝔯 𝔡𝔢𝔪𝔬𝔨𝔯𝔞𝔱 𝔦𝔰 𝔫𝔢𝔱 𝔱𝔰𝔲 𝔣𝔦𝔫𝔫𝔞 𝔴𝔦𝔢 𝔡𝔢𝔯 𝔖𝔞𝔪. ℑ𝔠𝔥 𝔥𝔞𝔟 𝔢𝔥𝔪 𝔞𝔴𝔢𝔯 𝔰𝔢𝔩𝔩𝔞𝔪𝔬𝔥𝔩𝔰 𝔡𝔢 𝔪𝔢𝔞𝔫𝔲𝔫𝔤 𝔞𝔪𝔬𝔥𝔩 𝔤'𝔰𝔞𝔴𝔱, 𝔲𝔫 𝔢𝔯 𝔥𝔲𝔱 𝔪𝔢𝔯 𝔡𝔬𝔫𝔫 𝔞𝔴 𝔣𝔢𝔯𝔰𝔥𝔭𝔯𝔬𝔠𝔥𝔞 𝔡𝔞𝔰 𝔢𝔯 𝔦𝔫 𝔰𝔢𝔦𝔪 𝔩𝔢𝔞𝔴𝔞 𝔨𝔢𝔫𝔰 𝔣𝔬𝔫 𝔰𝔢𝔦𝔫𝔞 𝔨𝔦𝔫𝔫𝔢𝔯 𝔪𝔢𝔥 𝔦𝔫 𝔰𝔬 𝔞𝔫 𝔰𝔥𝔬𝔬𝔩 𝔰𝔥𝔦𝔠𝔨𝔞 𝔡𝔲𝔱.

𝔑𝔬𝔴 𝔐𝔦𝔰𝔡𝔢𝔯 𝔇𝔯𝔲𝔠𝔨𝔢𝔯, 𝔴𝔞𝔫𝔫 𝔡𝔲 𝔪𝔢𝔯 𝔫𝔬𝔴 𝔡𝔢𝔫 𝔟𝔯𝔦𝔢𝔣 𝔯𝔢𝔠𝔥𝔱 𝔰𝔥𝔢𝔞 𝔦𝔫 𝔡𝔦 ℨ𝔢𝔦𝔱𝔲𝔫𝔤 𝔫𝔦 𝔡𝔯𝔲𝔠𝔨𝔞 𝔡𝔲𝔰𝔥𝔱, 𝔲𝔣 𝔡𝔢𝔦𝔱𝔰𝔢𝔥, 𝔰𝔬 𝔡𝔞𝔰 𝔲𝔫𝔰𝔢𝔯 𝔢𝔞𝔫𝔰 𝔢𝔰 𝔞𝔴 𝔣𝔢𝔯𝔰𝔥𝔱𝔢𝔞𝔡, 𝔡𝔬𝔫𝔫 𝔰𝔠𝔥𝔯𝔢𝔦𝔟 𝔦𝔠𝔥 𝔴𝔦𝔡𝔡𝔢𝔯 𝔡𝔢 𝔫𝔢𝔞𝔤𝔰𝔥𝔱 𝔴𝔬𝔠𝔥, 𝔲𝔫 𝔰𝔥𝔦𝔠𝔨 𝔢𝔫 𝔱𝔰𝔲 𝔢𝔦𝔠𝔥 𝔪𝔦𝔱 𝔪𝔢𝔦𝔫𝔢𝔯 𝔞𝔩𝔱𝔶, 𝔡𝔢 𝔅𝔢𝔳𝔳𝔶, 𝔴𝔞𝔫 𝔰𝔢 𝔴𝔦𝔡𝔡𝔢𝔯 𝔦𝔫 𝔡𝔢 𝔖𝔥𝔱𝔞𝔡𝔱 𝔤𝔢𝔞𝔱 𝔲𝔣 𝔡𝔢𝔯 𝔪𝔬𝔯𝔯𝔦𝔠𝔨𝔱, 𝔲𝔫 𝔫𝔬 𝔪𝔬𝔯𝔢 𝔞𝔱 𝔭𝔯𝔢𝔰𝔢𝔫𝔱.

𝔓𝔦𝔱 𝔖𝔠𝔥𝔴𝔢𝔣𝔣𝔩𝔢𝔟𝔯𝔢𝔫𝔫𝔢𝔯.

Fun Nei Yorrick. De Demokratish Kunvention

New York, July 2, 1868, 6 uhr owats.

Ich bin aw doh. Mer hen yusht about a bully grosser crowd doh. De Bevvy is derheam geblivva. Der Brick Yung is genommenate for Bresident, un mer geana all nei for seller Brick Bummery for Weis Bresident. Ich un der Misder Naspy hen amohl ehns genumma for ich hab gedreat,

Pit Schwefflebrenner.

N.B.- Hohls mich der deifel wann se now net my pocket buch g'shtola hen, un der Mr.Naspy is aw entirely geburst, un kann mer nix leana! Ich bin in er ferdeihenkerter tighter platz!

P.S.

Schliffletown, July 7 1868.

Misder Fodder Abraham Drucker-

Deer Sir:

De letsht woch war ich in Nei Yorrick- bin onna gonga for mich uf de Convention hucka, un yetz will ich der amohl shreiva was mer g'happened is.

Om mitwoch nummadog hab ich my mind uf gemacht tsu gea, awer de Bevvy huts net recht shtanda wella. Se hut g'meaent das Nei Yorrick is ken platz for decenty leit onna tsu gea, abbordich wan so fiel demokrata dort sin. Ich hab aw goot fershtanna ferwass das se objecta dut- se hut suspect das wann ich in Nei Yorrick in so demokratishe kumpany kumm donn deata mer ferleicht shlechty sacha happena. Awer, der negsht morya- om Donnershdog bin ich ob un habe mer so a d'scussion dicket gehawft uf en Railroad.

Im car wars awer yusht about foll demokrata, un dort hab ich aw der Mr.Glymer awgetroffa, seller wu doh for a par yohr amohl Guferneer wær warra wans net for de feela votes for seller Geery g'west wær. Weil ich ehn goot bekannt bin, donn hab ich aw hands g'shaked mit ehm un hab g'sawt "how-di-doo Misder Glymer," un donn secht er "How-di-doo Pit, is that yoo." Well donn hen mer amohl a wennich g'shwetzt fun delegates, un so fiel das ich can fershtanna hab hut er notion rous tsu kumma for Kungress in Barricks county des shpoat yohr, un er hut mich aw fersprecha macha tsu kumma als an delegate for ean, un donn hut er gefroked eb my alty un de Kinner g'sund sin, un meiner Bevvy ehra shtinkt-kase hut er g'sawt wær der besht da als uf der morrickt kummt.

We mer awkumma sin in Nei Yorrick hetsht awer derbie si sella un der crowd seana! Der Glymer hab ich gons ferlora, un about tswansich so boova sin um much rum un a yeader hut obsolut my karpet bag nemma wella, un donn bin ich aw umringt warra mit a troop foormenner un a yeader hut a longy wip katta un als "carriage" geroofa so loud das er hut kreisha kenna, un des ding hut mich so gebottert das ich for a while shtill shtea geblivva bin. Donn hut eaner mich g'froked eb ich net uf de Convention gea will, un wie ich eam alles g'sawt hab donn hut er proposed mit mer tsu gea on a first rate gooter platz for shtoppa. Uf course, ich bin mit eam gonga, un donn sin mer shtrosa nuf un um ecka rum bis ich nimmy gewist hab weller weg das mer kumma sin. Un a crowd! Immer un eawich was sin awer de leit uf un ob gemarch'd! Donn sin mer in so an saloon gonga, un dort hut my freind amohl gedreat, un awfonga fun der demokratish party tsu shwetza. Donn hab ich gedenkt, doh mus yetz aw amohl gedreat wærra, un ich rouse mit meim grossa pocket-buch un hab de round g'shtand, un wie mer on der bar wara is eaner Naspy fun Kenducky dertzu kumma un hut er amohl de hond gevva un mich so ousgefroked wu ich wohn un was my nawma is. Donn hab ich noch amohl gedreat, un der Naspy hut aw close tsu mer g'shtickt weil ich an gooter demokrat bin. Er hut mich aw uf a side genumma un gefroked eb ich eam net finf dahler leana kennt un, uf course, ich habs eam gevva. Donn sin mer ivver de shtrose un in an onnerer saloon. Sell war awer aw an platz! About a dutzend fun de shenshty mæd das ich my dog un des lehwas g'seh hab hen uns obgewart un des hut mich so gepleased das ich noch amohl gedreat hab, awer we's ons betzahla gonga is donn hohls mich der deihenker wann net my bocket buch fort war! Un we ich rum gook for my monn wu mit mer kumma is donn war er beim bettle aw fort! Dort war ich, completely g'shtrapped! Un weil ich es orrig nothwendich gebraucht het, hab ich der Mr.Naspy gefroked ep er mer net selly finf dahler widder zurick gevva deat, awer er hut behawpt das ers net du kennt weil er yusht entirely ous wecksel is. Er hut mer awer proposed das ich my watch ferkawfa set, un uf seller weg an raise macha. Dann hab ich aw grawd conclude es tsu du, un ich gook rum un froke ehner eb er mer sauga kennt wo ich se ferkawfa kennt un donn secht er "lets see your watch- may be I'll buy it," un ich, uf course, hab eam se gevva. Donn hut er se examined un uf ehmohl secht er, "wait a minute, I want to show it to Mister Jones, next door, for he is a goot judge," un donn is er nous, un awer er is mer so long geblivva das ich tsuletsht unruich bin warra un we ich amohl nochgefroked hab donn kummts evva rouse das seller very dunn er wetter aw an dieb is! Ich uf un ab; ivver drei shtund bin ich in der shtadt rum geluffa un awer kens fun denna rascals hab ich finna kenna! Don bin ich on de Convention gonga un awer se hen mich net nei gelust, un kea cent hab ich mea raisa kenna for a glaws beer tsu kawfa! Un seller Naspy war aw nimmy un de weg! Donn hab ich amohl on my Bevvy gedenkt! Het ich yusht eara gefolkt un wær derheam geblivva. Tsum glick hab ich noch my discussion dicket katta for heam tsu gea uf em Railroad, un ich hab aw grawd my mind uf gemacht das mit Nei Yorrick will ich nix mea tsu du hawa, un selly very nacht bin ich fort un aw glicklich in Schliffletown heam kumma.

Awer de Bevvy! Der weg we se mier amohl fits gevva hut war now an sind! Set hut contend das ich mus in ma shlechta platz g'west si weil ich heam bin kumma ohna geld un ohna watch! Un de demokrata hen's aw yusht about g'fonga, for de Bevvy behawpt das sidder der Johnson frei kumma is duhn de leit fiel meaner shteala wie tsufore, un ich farricht de Bevvy is yetz an fuller bloodeder 'publican. We ich un se ousmacha mitnonner uf de long-run wærd sich ousweisa.

Pit Scwefflebrenner.