2011 — Monternel, Fred Fuentes, From Junquera with Love Vol. 5 of 7 (18 September), SuperBalita Cebu
Pagka palis, nagtapok na ang mga trabahador sa balay-asyenda ug tagsa-tagsang midawat sa ilang sinemanang suweldo. Sadya kaayong mikubra sa ilang mga suweldo ang mga mekaniko, mga drayber sa trak de karga, mga drayber sa traktora ug buldoser, mga tapasero o mananapas, mga mangguguna, tig-abuno ug tigtanom sa mga paka sa tubo. Nangalipay usab ang mga trabahador nga nakadawat sa mga budbod-kabog gikan ni Jeny.
