User:Sartma/Latin/Latin macronised texts
< User:Sartma | Latin
Martial
editEpigrammata
editLiber VII, X
edit- Pēdīcātur Erōs, fellat Linus: Ōle, quid ad tē,
Dē cute quid faciant ille vel ille suā?
Centēnīs futuit Matho mīlibus: Ōle, quid ad tē?
Nōn tū proptereā, sed Matho pauper erit.
In lūcem cēnat Sertōrius: Ōle, quid ad tē,
Cum liceat tōtā stertere nocte tibī?
Septingenta Titō dēbet Lupus: Ōle, quid ad tē?
Assem nē dederis crēdiderisve Lupō.
Illud dissimulās, ad tē quod pertinet, Ōle,
Quodque magis cūræ convenit esse tuæ.
Prō togulā dēbes: hoc ad tē pertinet, Ōle.
Quadrantem nēmō jam tibi crēdit: et hoc.
Uxor mœcha tibī est: hoc ad tē pertinet, Ōle.
Poscit jam dōtem fīlia grandis: et hoc.
Dīcere quindeciēs poteram, quod pertinet ad tē:
Sed quid agās, ad mē pertinet, Ōle, nihil.