User:Allahverdi Verdizade/Entrified

1948

Əziz Vətəndaşlarım!

Amerikanın səsi Radiosunun verdiyi imkanlardan istifadə edərək bu gün Azərbaycan tarixinin ən böyük günü olan 28 Mayısda Sizlərə xitab edirəm. 100 il sürən Çar əsarətindən sonra bundan 35 il əvvəl Azərbaycan Şurayi-Millisi, Azərbaycan Cümhuriyyətinin istiqlalını bütün dünyaya elan etdi. O tarixə qədər milliyət olaraq varlığını isbat üçün mücadilə edən Azərbaycan xalqı, bu tarixdən etibarən millət olaraq bir dövlət qurmuş və bu dövlətin istiqlalı bütün mövcudiyyətilə meydana atılmışdır. Mədəni böyük bir tərəkəyə (mirasa) malik olan vətənimiz siyasət sahəsində çox böyük və dəyərli həmlələr göstərmişdir. Cavad xanın 1904-də Gəncədəki şanlı qəzası dillərdə dəstandır. "Ölmək var, dönmək yoxdur". Bu həqiqi vətənpərəstlərin təqlid etdikləri ən müqəddəs bir şüardır. İstiqlal uğrunda yapılan tarixi savaşların ən qanlısı 19-cu əsrin başlarında Rusiya Çarlığına qarşı yapılmışdır. 30 il qədər sürən bu savaş qəhrəmanlıqlarla doludur.

1981

1. • 1981, Aziza Jafarzade, Bakı-1501 37:

     İkindi vaxtı camaat namazını həmin qaya üstündəki əl boyda yerdə qıldı. Düzənlikdən baxanda nə qazma, nə də alaçıqlar görünürdü. Qəbilənin əski, indicə sahibləri tərəfindən tərk edilmiş evləri isə qəribə bir sükuta dalmışdı. Elə bil adamlar yatmış, ya da harasa qonaq getmişlər. Bir az sonra qayıdacaqlar, soyumamış ocaqlar tüstülənəcək, boş qalmış axurlara mal-qara bağlanacaq, kəndin içi hay-küylə dolacaqdı. Amma bu, zahirdə belə idi. Sanki özlərin hamısına qəsdli-qərəzli bir oğru gəlmiş, otaqları silib-süpürüb aparmışdı.

2020

İsveçdə koronavirusla mücadilədə niyə küçəyə çıxmağa qadağa qoyulmur? Başlığa çıxardığım suala İsveç hüquq sistemini araşdıran İsvecgundemi.com saytının əməkdaşı Atila Altuntaş cavab tapmağa cəhd edib. Dünəndən küçəyə çıxmağa icazə almalı olan Azərbaycan oxucusu üçün də maraq kəsb edəcəyini düşünüb həm bu mövzuda, həm də İsveçin koronavirusla mübarizə strategiyası haqda qeydlərimi bölüşmək istədim.
Sərt karantin qaydaları Azərbaycanla yanaşı bir çox Avropa ölkəsində də tətbiq edilir. Bəzi yerlərdə küçəyə çıxanlar cərimələnir, bəzi hallarda tutulur da. İsveçdən savayı!